朱古力溶解時間

是否每一段感情都好似朱古力咁會有段溶解時間... 時間一到就會溶到冇左形蹤...
或者現實真的是這樣~~
但我都相信會有唔溶的朱古力... 只要放於冰箱 or keep住冷凍咪得囉...
或者當你發現溶緊o個時... 快d冰一冰佢~~~

heehee 情人節快到了~~ 就俾大家來一個"冰一冰"的藉口啦~

shit

shitttttttttttttttttttttttt
我發覺自己愈來愈冇用了!!!! 愈來愈睇唔起自己!!!!!
點解自己可以咁唔著緊?????? 唔通我真係個咁奇怪的人嗎???????????
其實我知自己係著緊........ 只係太粗心大意.......... 我唸呢個世上都唔會有個咁奇怪的人了吧........
希望明天會有個轉機啦... 雖然我知世事唔會盡人意.... (尤其對我呢個咁白痴的人)
但一兩分的可能性點都會有吧... 唉....

從來沒有碰過你的男友

唔知道你同你個男友拍拖幾耐佢先會搞你呢??

亂馬就從來都冇request過, 雖然我地一齊都整整一年有多, 佢什至冇摸過我囉... 其實我宜家都會有d質疑佢會唔會係基?? or 佢其實唔係咁愛我呢??

其實佢真係一個好特別的人, 特別在於佢非常被動, 除左佢開口想同我一齊之外, 其他事佢都唔會主動... 但最諷刺的是佢是個大男人, 乜野都要佢ok先得, 所以都幾難服侍架...

好似夏天我實會著背心短裙啦.. 佢又唔多中意, 話俾人睇sit晒咁喎... 但我都好少理佢... 仲專登著多d... 哈哈... 夜晚去到公園見到好多情侶o係度 e 泣咁... 我話我又想學佢地咁, 佢話咁樣好"溢"好肉酸喎... ?!?

唔通呢個世界真係有聖人??

情緒矛盾的男人

你曾經遇到這樣的男人嗎?? 在某個晚上把你視為生命中最重要的人, 之後兩個星期郤沒有時間同你見面... 你不明白為何他好像喜歡你什至愛上你之後, 竟然會拋棄你... 你從不知道自己在這個男人面前處於什麼位置, 因為佢總是發出模稜兩可的信息...

今日我睇左一本信... 佢講到呢種人... 叫"情緒矛盾的男人", 佢地常做出讓人無法預期的行為, 這往往讓你覺得自己被拒絕, 被拋棄, 導致你驚慌失措只想著他, 令你有不斷打電話俾佢, 用不健康的方法追蹤他的念頭... 和這種男人交往只會讓你發瘋, 因為佢的行為不但沒有邏輯可言, 而且會令你感到迷惑... 一旦你對佢捉摸不定的行為開始感到疑惑, 便會開始分析是不是自己做錯了什麼, 猜想在你們之間發生了什麼事.... 你責備自己, 開始對自己做過或說過的事感到罪惡, 而這些是你平常不會有的反應...

你所做的所有事都是因為你關心佢, 因為你真心愛他, 但這些足以使一個情緒矛盾的男人不知如何是好... 於是, 他會表示佢想你, 想和你在一起, 但郤從沒有時間和你見面... 他說會打電話俾你, 但他不會真的去打... 他成日會取消約會或是常常遲到... 他成日都會讓你久等或是爽約... 你們或者曾經談到深入, 使你覺得你們之間會親密, 但下一次他又表現得冷淡... 他什至會時常在你生活中消失一個星期什至更耐...

這種男人可以好有魅力, 好世故, 好聰明, 但大部分在感情上都是不成熟的... 他在尋求某方面的滿足時通常都是沒有意識的, 所以他的行為特別不合乎邏輯... 如果他在這方面沒有得到滿足, 他就會走開, 而且在情感上疏遠你....

他也可以用"孩子氣"來形容, 他在性心理的發展沒有把女人當作是另一個獨立個體, 只把女人當作是自己的附屬品... 這樣的男人沈溺在自己的需要裡, 完全無法感受他人的需要... 在一段感情上太過親密會使他驚恐... 當他對某個女人感到親密時, 他就會覺得自己會被這個女人捲入或吞沒, 所以他會立即對佢保持距離, 或是乾脆消失, 以平息他的焦慮...

他或許會因為發現自己"感到需要"而害怕... 當他開始愛上一個人而且覺得想依賴這個人, 他會立即閃開, 使自己不會感到驚慌失措, 也不會因為顯露自己的弱點和需要而感到羞愧... 他看待你一是全是優點, 也可能突然都是缺點, 當他發現你"做錯"了什麼, 便會立即和你切斷關係... 而你卻永遠不知道自己究竟做了什麼...

我覺得亂馬就是這種人... 他只會當我是他的附屬品... 至於我生活過得好唔好, 完全唔關佢的事... 我想佢是冇能力維繫真正親密的關係... 佢亦冇同情或理解他人的能力... 因為他只在乎和自己有關的事... 佢亦無法真真正正咁去付出和關心他人.... 所以行為只有反覆無常.... 佢亦拒絕去看清楚自己矛盾的行為... 完全不負任...

我可以做啲乜?? 我只可以提出自己的低線... 但當我咁做的時候, 佢會對呢d 視為障礙而感到生氣!!!!!! 我有想過佢有一天會改變對我的方式... 但我發現佢只會一直在佢自己的問題上打轉, 而我的自我價值慢慢被佢搞到愈來愈低...

我成日會唸假如我地當初從來冇開始過... 我keep on做佢的好友... 或者大家都會開心好多~~~

分手前的一封信

正常人分手前如果真的會寫信俾對方, 寫的會是怎麼樣的一封信呢???

我唸會視乎呢個人的動機啦...

佢仲係深愛對方嘛??
不見得喎... 因為愛就唔會想分手, 就唔會寫呢封信啦...

佢係想真的分手嗎??
係佢就唔會寫呢封信咁多事啦!

咁佢唔想分手又點解會寫嗎??
我唸佢對呢個人都仲有留戀... 但留戀之餘亦對佢感到失望... 所以先有呢封信的出現啦....



亂馬從來都唔會寫信俾我, 佢話要寄信俾我, 我都唸唔到佢會寫d乜...
但我會知道佢唔會寫情話俾我... 因為佢從來都不是浪漫的人...

紅少我唸你都唔會估到我係會咁了解佢... 佢竟然話是我搞出黎??!?!?!!

我都想知道一個人聖誕甩你低, 新年過節冇你份, 連情人節都失蹤之後... 佢會話是我搞出黎...!?!?
咁究竟佢寫呢封信是有什麼目的呢?!? 我都俾佢搞到頭都大埋......

我會覺得佢的心情是 好覆雜, 好亂... 唔知自己真正想表達乜野...

(今日寫到呢度... 因為我好嬲... 我嬲自己點解仲咁愛佢... .... 好嬲....)


http://www.hkflash.com/diary/read.asp?id=lerryng&aid=14974587

(我覺得我有d似呢個人......)

不同味道 引發 不同效果~~~~ heehee

今日睇metropop睇到一間好特別的雪糕屋 叫 花之手作 ... 非常吸引... 吸引在於所以雪糕都是hand make!~~ 仲係d好特別的花茶雪糕!~~~ 好想去試試... 於是捉左個friend特登出去元朗試下...

一去到已經人山人海了...第一樣吸引我的是店舖的menu黑板仔~~ 我注意到佢地分左 花茶雪糕 同 特色雪糕~~~ 花茶雪糕 有 薰衣草、桂花、玫瑰花、萍果花、苿莉花...... 特色雪糕我就唔多記得.. 最記得是 黑白配~~ 哈哈~~ 我平時都中意食呢個cookies架~~ 試左幾種味最後選左 玫瑰花 同 菠蘿味... 因為我覺得隻玫瑰花味好清香, 食落好似被好多玫瑰花包圍咁芳香樸鼻, 有一種好甜美自然既感覺~~~ 而菠蘿味我平時都唔會試架...但呢度的菠蘿味雪糕好清甜, 又有果肉粒... 好正~~~~
下次一定再試過其他口味~~

唔知對你黎講咩味道使你留下最深刻印象?? 對我黎講咩味道都是特別的.. 因為味道係好重要的原素... 我的男人都是中意用cologne... 當佢吻我的時候, 我除了聞到佢的口水味外, 就係聞到佢的cologne味... 唔知係咪因為咁我好中意男人用cologne... 因為當我聞到就會想到佢點樣吻我...

每個人都有唔同體味, 所以就算佢地用同一種香水, 但搽上身後又有發出不同的味道~~我試過好掛住亂馬, 於是特登走去香水店聞下佢搽開的cologne... 但點都覺得有d唔同~~

阿木就知道我好中意聞唔同的氣味...但佢又唔想成日轉cologne, 因為貴嘛... 咁點好呢!?!? 佢竟然搵到 d 有不同味道的condom黎用囉!!!!~~~ 有草莓味, 薄荷味, 仲有榴槤味添... 你話死未...
不過試落又真係有d唔同的感覺, 好得意呢... 哈哈

超中意擁抱o既感覺~~

從少就喜歡擁抱o既感覺~~ 記得細細個同sister一齊睡就中意攬住佢睡...
但佢並唔係次次都俾我攬架... 如果佢覺得眼瞓就會被我攬住瞓囉... 哈哈.. 咁我就好開心~~
但佢之後都會話我煩架~~ 但我一於少理因為冇幾可嘛~~

到大個左~~ 都好耐好耐冇被人攬啦... 因為我好遲至拍拖呀嘛... 都忘記左擁抱o既感覺~~
到阿木o既出現, 我至重拾返咁溫馨o既感覺~~ 但阿木同我sister都係一樣~~ 覺得成日要攬住煩唔煩呀咁~~~ oh~~~~ why~~~~~ 不過我都知我又幾痴身既~~~~

亂馬又點呢?? 其實我覺得佢都中意架~~ 不過有次我攬攬下佢, feel 到小馬有d movement... 佢就拿拿林推開我... 搞到佢唔知點咁呀... 之後佢就少左主動攬我了... 係o個次令我覺得佢原來係咁怕羞... 哈哈... 但之後我都keep住成日攬住佢... 佢話我地成個連體人咁... 成日把它痴... 哈哈

點解我會咁中意擁抱??

美國北卡羅來納州大學研究小組，針對38對受試情侶進行研究，結果顯示，擁抱能增進雙方的親密感催產素(oxytocin)荷爾蒙，進而有效地克服抑鬱症和孤獨感；此外，擁抱亦有助於降低血壓、減輕壓力，並且能減少心臟病風險。

這項研究過程是將受試情侶們分別安排在不同的房間裡，先測量記錄其血壓指數、皮質激素和後葉催產素含量與壓力等；接著，讓38對情侶並排同坐於一室，讓他們回想過去倆人共同渡過最甜美的時光。

在回憶幸福片段時刻之後，情侶們一同觀賞研究人員放映的5分鐘浪漫愛情故事；最後，再讓一對對男女單獨相處和交談10分鐘。以上「步驟」一一完成後，受試情侶相互擁抱，擁抱時間約20秒。

研究人員根據實驗結果得出以下結論：受試情侶擁抱後其性激素含量明顯增加；其中，戀人體內分泌的性激素含量比一般男女朋友之含量更高。

除此之外，女性血液中的激素含量特別高，血壓也有明顯的改善。此一研究結果揭示，經常擁抱有助於降低心臟病發生的機率。

擁抱，對於女性而言，能緩解身心壓力；女性自擁抱中獲益之程度比男性大，血壓下降幅度也較為明顯。

類似的研究更發現，僅有誠心、帶有真情的擁抱才能延年益壽，虛情假意的擁抱則無此功效。

.

哈哈... 你話擁抱係幾咁美妙~~

我中意擁抱既另一個原因係我可以直接feel到對方的心情~~佢是歡喜??甜蜜??抑或擔心??憂慮??or 佢感到自己需要一個擁抱,一點鼓勵, 一份支持~~還是佢並不需要一個擁抱, 相反只是覺得對方需要一個擁抱??

或者是在呢一刻，我才看得到他的心...